Skip to main content

REDMADMEDIA 網誌

回前頁
下半年crypto 與美股相結合,爆出火花。 - 銀發德財

下半年crypto 與美股相結合,爆出火花。

· · 專欄: 銀發德財

看來,美股又要來一場深跌!而且,今回要停在低位一段頗長時間;所以,我們即使想搭順風車,亦不要急著趁低入貨,睇定d先,隨時低處未算低。

無計,金融市場已激嬲特朗普這愛面子的老頭,嘲笑他每次都「雞出」,鑊鑊縮沙,雷聲大雨點小;特老一定好唔老泥,明明我呢招叫「開天殺價」,等你「落地還錢」,他自覺技倆高明,點知你呢班華爾街人居然睇少我,又話我雞又話我鴨!火都嚟。

美股當下是美國人自家的「鬥氣市」,而今回特朗普火了,一定會留難跟外國原本有得傾的議案,有傳習近平將與特朗普通話,我不樂觀,該談不攏甚麼,兩大巨頭,各有各個人的尊嚴和國家的體面,會咁易傾得埋咩?我唔信,尤其特朗普已感羞辱,老羞成怒下,更難傾,隨時取消見面都唔定。

所以,千其唔好因以上呢個消息入市,高位再接貨就慘了。

美股,勢被玩殘!我始終覺得美股會有一段低潮,而資金會走去跟crypto 相連的項目,當然我唔抹殺crypto 項目會結合股票發展,即係好似微策略咁,透過股價間接反映crypto 的價值。

本來,我係睇好crypto 跟華爾街大鱷合作的發展趨勢,所以年前我睇好原生幣ALEX,因為佢頭頭都係華爾街人,點知ALEX Lab唔爭氣,比駭客入侵,一野就打殘左。

但呢個趨勢,始終會出現,而家傳統美股(包括科技股)仍會持續被對等關稅所玩殘,而特老自己又出幣又盛,佢既家族已經佈好局,我相信呢方面佢遲早有大動作。

仲玩美股!?下半年美股該半生不死㗎啦,留意crypto community 的動靜,先至係上策。

1 likes

推薦文章

鮑威爾一旦被炒,美國債市場誓必亂起來!

鮑威爾一旦被炒,美國債市場誓必亂起來!

制度很重要,它減少了不確定性,令身在其中的個人,行有所依,由此生出整體社會的秩序。但世間事一切始終都是人的遊戲,人們尊重制度,不輕易因本意而改動制度,制度就存在,就能好好地發揮穩定經濟的功能。 …

以小喻大:一對人字拖的磨練

以小喻大:一對人字拖的磨練

踏入香港的春夏,天氣已極速轉熱,我就會貪方便T恤一件短褲一條,撻著對人字拖落街。快到耳順之年,不講形「狀」了,放浪形骸也無妨囉。 我穿的人字拖不是貴價貨,每年初著,人字那塑膠位置必定「挖」損我…

不務正業的MicroStrategy

不務正業的MicroStrategy

商業智慧軟體提供商 「微策略 (MicroStrategy )」一直傳出要推出與閃電網絡(Lightning Network)相關的軟體和解決方案,其領導人Michael Saylor 亦曾多次表示…

留言 (0)

還沒有留言,成為第一個留言的人吧!

發表留言

您必須登入才能留言。