成日聽到乜野擴容又layer 1 又layer 2，究竟區塊鏈層構係乜野一回事？
嚴格嚟講：區塊鏈可分為四層：
Layer 0係底樓，係網絡同硬體連接既地方，譬如比特幣可以利用傳統網路喺第 1 層順利運行，第 0 層所指就係呢方面，通常探討到乜野跨鏈作法，就係呢一層既事。
Layer 1 所指就係自己條區塊鏈（例如比特幣或以太坊），包括挖礦共識（PoW、PoS）同所有技術細節之類的事情，呢層最重要係要克服區塊鏈的三角困境：去中心化、安全性和可擴展性。
Layer 2係指同Layer 1 結合使用既第三方集成，Layer 2 誕生既目的就係為左提高可擴展性同每秒交易數（系統吞吐量），
當你聽到乜野側鏈（好似比特幣的隔離見證同閃電網絡）或任何與加快吞吐量有關既事情，指既都係呢一層，但好多時呢一層大家既分法都會將佢併入Layer 1 度。
Layer 3係應用層，即係我地作為使用者，與之交互的介面平台，亦即係某條鏈上面的Apps （好似Bitcoin Stacks 上既Alex 平台），但通常大多既人都稱呢層做Layer 2，好少叫Layer 3，所以理念上該原屬上面Layer 2既Bitcoin Ordinals 同 Stacks，都一併歸埋喺呢層。
無所謂啦，大家知指乜野就可以，又唔係要考大考！
