有位舊生問：「Hello sir， 我最近遇上一個難題，我而家一個月租樓都要成兩皮嘢，屋企人話而家供樓平咗好多，話我而家一年就洗咗240,000去租樓，最尾就乜都冇；而家其實我每一個月嘅收入大約有三萬幾蚊，為咗有自己嘅生活，我搬咗出嚟住，亦都方便我返工。」
「而家遇到人生交叉點，我其實已經儲到一層樓嘅首期；之前睇開嘅所謂筍盤（即係比銀行股價平咗幾十萬嗰啲）好多真係好快就走晒，而家我喺度諗緊係咪應該要而家買樓，屋企人就支持我，但身邊所有同事都話傻嘅咩，啲樓只會繼續跌㗎咋，而家hibor 只係短暫回暖，根本長遠嚟講香港嘅樓就冇價值………人生交叉點，突然之間諗起你，希望你喺咁忙嘅時間，可以自己攞嘅迷津。」
我的意見是，若樓價像幾年前般處於極不合理的高位，入手自住真可遲一點。物極必反，當樓市冧下來，物業的資本減值，絕對超過那幾年所付出的租金，一間八百萬的樓，無左四成，啫係蝕320萬，夠你租13年了！咁點解我唔租幾年樓睇定d嗰樓市先置業。
當然，現在就不同了，樓價已跌4成，就當你同事講得啱，樓價會再下跌，但即使蝕，又真差不多等同你平白交租那筆數目，始終供樓有一大部份係供本金，換言之，你父母講得啱；而我，buy 你父母所講。
坦白講，現下樓市就正正處於這個高租金低樓價的交差點，若有實際住屋需要，租同買的成本（分別計入白交租或物業減值）根本已經差唔多，所以我哋見到呢段時間跌左四成的樓價有一定的承托力，頂住左。
你話買樓嚟短炒或投資就無謂，但自住，就真可以，用d心機揀個荀盤入。
樓價唔係升就係跌，無完既，無人知幾時見頂幾時見底，你自住既，睇自己長遠供款能力就得！當然，你可以微調一下求穩陣，若你原本想買800萭既樓，可以調低買600萬，利害相衡取其中嘛。
樓市升，你又唔敢買；樓市跌，你又唔敢買，咁成世都租，又真幾蝕租金，而且會錯過未來有可能既的物業增值機會。
個人認為，而家係極適合置業自住，但投資就真等再跌下，但會唔會跌，邊個知！
