香港連鎖式快餐店大家樂和大快活，均處於兩難局面，廉價的兩餸飯所引發的競爭壓力可真不小，我相信它們亦想減價誘發多些食客來幫襯，但鋪租成本高昂，過低的食品價格根本圍唔到皮。
這些食店不同於買雜貨的日本城或淘多多，後者搬舖不用過甚麼政府牌，我昔日補習社搬舖就沒有那麼簡單，又要用上九個月重新向地政、消防和屋宇署申請許可，而飲食業有廚房，就更花時間和精神申請了，並不是話搬就搬即可開業，原鋪業主當然深懂大家樂大快活這個難點，知它們寧一動不如一靜，可以不搬就不搬囉，這便大大削弱快餐店的議租能力，業主同你計到盡！
所以，這些飲食企業在當下經濟環境，極難控制成本。
但怎也好，它們食品價格若仍居高不下，生意只會愈來愈慘淡，實在由不得它們不削價；不過，眼見當下它們所提供的折扣優惠，可真牽強，特別是大快活！
於我而言，大快活唯一吃得入口既，就只有咖喱牛腩飯，然而最新的夏日優惠是：午市要惠顧兩客阿活咖哩，約120元，才減10元，即係每碟減5蚊，減幅已經不多；但我認為最煩氣既，係要我搵多個人嚟一齊食。老實講，喺香港你約人食飯，唔好講話約心宜的異性吃飯，就算普通朋友，我地都真唔好意思話去太快活食啦，人地一聽到面色都一沉，喑叫：「唔系吖嘛！」
而且，同價錢都夠去茶餐廳，有cart 位坐得舒服d，點解要去個咁「老氣」既地方呢！
好啦！自己個人想嚟支持下你大快活，單拖你又唔肯減比我，好傷情。
而且，60蚊㗎喱牛腩飯未必包飲品，叫埋飲品，隨時去到70蚊左右，已經係兩份三餸飯包湯或包野飲的價錢，喺現時的物價，真係偏高！
不知為何，相比於大家樂，我對太快活特別有偏見，即使兩者食品都是預製品，但大快活的味道就更加單一更難食；但最令我不滿既，係大快話既減價策略，永遠先嚟一條數學題，點解唔簡簡單單，直減下去！大家樂起碼有咁既直接玩法。
你可能駁我，你食唔起咪唔好食囉。你啱！（但我都有權表達下）不過，我真好奇怪你居然會撐大快活。
個人認為，大快活還死守當下這種似有實無的減價形式，早晚要在香港飲食業中淪為三流食檔。
