舊生問我投資甚麼好，買黃金好嘛？坦白講，面對當前這種政治市，我真不敢亂給意見，自己根本看不通。特朗普此人又小氣又狂莽自大，一時又免收某國關稅，另一時唔老泥又話要追收返，又無時無刻引發國內國外問題，然後又叫嚷著兩星期內可解決，你跟他路徑做投資，人都癲！
不如休養下，對自己好d！
所以近日舊生問我買甚麼好，我的回應是最好甚麼也不買，若你真感到寂寞難奈，硬要買些野充實，亦不該用輸錢來填補心靈空虛，咪冒次大險在7月5日前後到日本，找刺激！
自己這幾年鍾愛編程，這類學習有個好處，就是一旦投入，會極忘我，令自己迅速冷靜下來，漸漸地它成為我調控情緒的最好手段，尤其是那一刻有投資的衝動。
我往往身痕想買野時，我就打開電腦跟進一些的項目開發問題，做下做下，就甚麼「痕」都沒有了，逃過一時雅興想輸錢的情緒。
真的，每每舊生問我買甚麼好，甚至主動提出買某些資產時，我就知道，此刻的他，心癢難敖，想止「痕」，但又怕做錯投資決定，於是找我當上無比膏，希望我給點同意，加快止痕！
但偏偏我抗拒做無比鳩，只因心知一時的讓你止痕，將來輸錢就會默默埋怨我，咪搞我，我無必要混上這怨氣。
在當下如此不確定的投資環境，你有錢就儲好，唔好亂買野，就算做定期息口低左，都好過大蝕！
冷靜唔到，跟我學編程，我有好多免費課，唔使錢，長放在網站任你學！唔知點埋手？問我！我前日先教一位DSE舊生點睇我d python 教學片，佢見data analysis and risk management 既工，話明要懂python 。
勸人學習，榮神益人；導人投資，一定得失人！
