因我下午曾為文分享，一月份我的焦點將集中在黃金投資，有舊生問我，可入手黃金ETF嗎？
買賣黃金ETF很方便且高流動性，皆因可在股票市場交易，對於想短期透過金價波動而獲利的炒賣者而言，不失是一個好分法。不過，相對於比特幣ETF，黃金ETF較跟唔貼價，只因運輸、儲存和驗證黃金在實體操作上會帶來成本和延誤，而數位交易則沒有；而且黃金ETF基金管理費亦較高，更需要留意黃金ETF 用那隻貨幣，會否牽涉匯率風險。
若你真想買黃金ETF，有那些選擇呢？坦白講，我只認識美股的SPDR黃金信託（GLD），管理費是0.4%，其優勢 是全球規模最大，流動性最強，出入貨至緊要快和容易，我最緊張呢方面。
如果唔喜歡美股，港股都有關連的SPDR黃金ETF（2840.HK），管理費都係0.4%，唔算高，每日平均交易量都有80,000股，流動性不錯，可用港幣結算。
當然還有其他選擇，但花多眼亂，我不深究了，挑隻最傳統（即係真有黃金府庫）和高流動性的黃金ETF就算囉！大家千其唔好亂買，有D黃金ETF係槓桿投資，要睇清楚！
不過，我還是較喜歡實物黃金，貪其任何時間都可以到金鋪放，有大事發生時，可著先機出入，而紙黃金或黃金ETF 就不可以了，要坐到交易日才可賣買。
