昨天有位舊生跟我分享，若我想youtube 收視多一些，應該說多些別人「扑街」事，網民愛聽嘛！
這點我老早已明，過往但凡說香港樓市冧，點擊率就很高，所以我亦了解，youtube 話題愈淒涼，愈多人看。但問題是，香港那有這麽多淒淒慘慘的故事！於是，說來說去都是那十數個個案，講都盡時，老作都要！是否實情不重要，重心在迎合網民口味，吸引traffic！
如果你有留意我youtube 的分享，你會感到，我有意無意常帶出一個信息：別被一些網媒「道」，成為「道友」，只一味愛睇自己偏看偏聽的所謂「報導（其實在作故仔）」，而失準於實況，那我們是在聽童話，脫節於真實面貌。
你有沒有這感覺，過去一兩年，常聽到網媒佈導住宅樓價跌！跌！跌！但當你自己走到地產代理度問，又唔係跌得好勁喎！價仲好高！咪係咯！咁啫係有些網媒不斷用文字加以渲染情況，而實況從來都不是如此惡劣；又或只是零星個案，大把業主企硬不平賣！
等於你當下身在香港，搵食又未係好極度困難bor，雖然日日聽到結業！結業！結業！但平情而論，你試下跟近地如台灣同日本相比較，又或遠者如英國，其實我地喺香港搵食，還算輕易！生活皮費都較易應付，租屋就貴咯！
好似新世界，你見我youtube 從不談論它的債項有幾嚴重，因為我根本就認為這企業一定不會倒下，最終必定過關，以新世界跟中央的關係，後者必定力保之，你使擔心！
又最近網媒談上另一企業（因為新世界已甩慘，又要搵另一間更慘），真係唔知死，為收視，老作都有！又話同銀行鬧大交；其實，我睇呢d報導，我會好奇，報導的媒體點會知呢d野？咁大間企業，唔通嗰阿頭喺某間分行同優越理財櫃位傾咩！若關門內部傾，我唔信身居銀行要職的人，喺呢個階段咁唔專業，大口仔！若真係咁沙pot，真係小心人地公司過左關後嚟「跟進」個別恩怨。
個人認為，做youtube 網媒，自身要有佈導底線，亦要懂明哲保身，只盲目恣意追求traffic ，好易出事。
我就無勇氣，亦唔夠膽，為追traffic而置身於危牆之下。
我的Youtube 頻道，好野嚟既，要subscribe 啦！
